Биылғы жылдың басында елімізде 1,6 млн жеке кәсіпкерлік субъектісі тіркелген, бұл бір жыл бұрынғы көрсеткіштен 24,3% артық. Барлық ЖК субъектілерінің 93,1%-ы жұмыс істеп тұр, олардың саны бір жылда 30,7% өсіп, 1,5 млн-ға жетті, деп хабарлайды finprom.kz-ке сілтеме жасаған kazlenta.kz
Салыстыру үшін: өткен жылдың сәйкес кезеңінде елімізде 1,1 млн жеке кәсіпкер жұмыс істеді, бұл бір жыл бұрынғыдан 5,1% артық.
Өңірлер бойынша жеке кәсіпкерлердің басым бөлігі Алматыда жұмыс істеді: 195,1 мың жұмыс істеп тұрған субъектілер, бір жылда 56,7% көбейген. Екінші және үшінші орында Түркістан облысы (172,8 мың жеке кәсіпкер, 28,6% көбейген) және елорда (137 мың жеке кәсіпкер, 30,1% көбейген).
Ең көп жылдық өсім Шымкент қаласында (59,5% ұлғайып, 90,6 мыңға жетті), ең аз өсім — Солтүстік Қазақстан облысында (9,2% көбейіп, 26,2 мың болды). Еліміздің 20 өңірінің 3-де — Шығыс Қазақстан, Алматы және Қарағанды облыстарында жеке кәсіпкерлер саны азайды.
Жұмыс істеп тұрған жеке кәсіпкерлердің үштен бірінен астамы (36,5%) көтерме-бөлшек сауда және автожөндеу саласында: 539,2 мың жеке кәсіпкерлер — бір жыл бұрынғыдан бірден 47,2% артық.
Сондай-ақ жеке кәсіпкерлердің ең көп жұмыс істейтін салалары агроөнеркәсіптік кешен, жылжымайтын мүлікпен операциялар, өңдеу өнеркәсібі және көлік-логистика секторы.
2023 жылдың қаңтарынан бастап республикада кәсіпкерлік саласындағы міндетті талаптардың тізілімі — мемлекеттік нормативтік актілерді тұрақты негізде қайта қарауды қамтамасыз ететін тетік жұмыс істей бастайды, деп хабарлайды ҚР премьер-министрінің ақпараттық ресурсы. Тізілімде талаптар болмаса немесе олар бойынша белгіленген мерзім қаралмаса, кәсіпкерлік субъектілері оларды бұзғаны үшін әкімшілік жауапкершіліктен босатылады.
1 қаңтардан бастап ерекше тәртіп бойынша жүргізілген тексерулер жойылып, тексеру мен жазалаудан заң бұзушылықтың алдын алуға көшуде.