13 қаңтарда ауа райының қолайсыздығына байланысты бірқатар өңірде бірінші ауысым қашықтан оқиды, деп хабарлайды ҚазАқпаратқа сілтеме жасаған kazlenta.kz
Қарағанды қаласы білім бөлімінің мәліметінше, бірінші және екінші ауысымдағы 0-4 сынып оқушылары қашықтан оқиды. 5-11 сынып штаттық режимде сабаққа барады. Сонымен қатар, оқушылардың ата-аналарына ауа райы қолайсыз болған жағдайда, мектептің қашықтығын ескере отырып, ата-аналар сынып жетекшісіне өз шешімі туралы ескертіп, баланың мектепке баруы туралы өз бетінше шешім қабылдай алатынын еске салды.
Абай облысының әкімдігінде хабарлағандай, Семей қаласы мен Үржар ауданындағы бірінші ауысымның 1-9 сынып оқушылары, Аягөз, Бесқарағай, Ақсуат аудандарының, Курчатов қаласының 1-11 сынып оқушылары, Бесқарағай, Аягөз, Жарма, Көкпекті, Бородулиха, Ақсуат аудандарындағы 1-11 сынып оқушылары; Абай ауданындағы 1-4 сынып оқушылары қашықтықтан оқыту форматына көшеді.