Синоптиктер жұма, 23 желтоқсанда Қазақстанның ірі қалалары мен ел аумағында ауа райы қандай болатынын болжады, деп хабарлайды "Қазгидромет" РМК ресми сайтына сілтеме жасаған kazlenta.kz.
Синоптиктердің болжамынша, бүгін Астанада қар жаууы мүмкін, күн ала бұлтты болады. Күндіз термометр көрсеткіштері -9…-11 градус аязды көрсетеді. Сонымен бірге қала тұрғындарына күндіз жел 9-14 м/с-қа дейін, кей жерлерде 5-20 м/с-қа дейін күшеюі мүмкін екені ескертіліп отыр. Алматыда да бүгін күн ала бұлтты болады деп күтілуде, күндіз термемотр көрсеткіштері -4..-6 градусты көрсетеді. Желдің жылдамдығы 2-7 м/с-қа дейін жетуі ықтимал. Еліміздің үшінші мегаполисі Шымкентте күндіз сынап бағанасы +1...+3 градусты көрсетеді, күн ашық, ала бұлтты болады деп күтіліп отыр.
Қалада желдің жылдамдығы 2-7 м/с-ке дейін жетеді. Сонымен қатар, метереологтар атлантикалық циклонның терең жырасы мен атмосфералық фронталды бөліктердің өтуімен Қазақстанның басым бөлігінде жаяу бұрқасынмен, қар сақталады, түнде шығыстың таулы аудандарында қатты қар күтіледі деп болжап отыр. Сондай-ақ, солтүстік-батыс антициклон жотасының әсерінен, еліміздің солтүстік-батысында, оңтүстік-батысында және орталығында жауын-шашынсыз ауа райы күтіледі.
Ал, республиканың солтүстік-батысында, оңтүстігінде, оңтүстік-шығысында тұман, батыста, оңтүстік-шығыста - көктайғақ, Қазақстанның солтүстігінде, батыс және оңтүстігінде жел күшейіп, бұрқасын күтіледі.
23-12-2022, 09:00
Күшті жел, боран, көктайғақ: синоптиктер бүгінгі күнге арналған ауа райы болжамын ұсынды
Егер мәтінде қате байқасаңыз, оны таңдап, Ctrl+Enter пернелерін басыңыз