35 жастағы ер адам алты жасар қызды ұрлап, зорлап өлтіргені үшін сотталды. Колонияда жазасын өтеуші психологқа өз қылмысы жайлы айтып берді, деп хабарлайды kazlenta.kz Ақмола облыстық қылмыстық атқару жүйесі департаментінің баспасөз қызметіне сілтеме жасап.
Ведомство мәліметінше, ер адам отбасылы. Бұрын сотты болмаған. Ол өз қылмысын не себепті жасағанын түсіндіріп бере алмайды. Ақмола облыстық қылмыстық атқару жүйесі департаментінің хабарлауынша, ер адам мектепті әрең бітірген. Кейін кафеде бір қызбен танысып, үйленген. Жұмысқа орналасып, ол жерде жақсы қызметкер болған.
Жаздың бір күні ер адам түскі астан соң есігінің алдында тұрғанда кішкентай қыздың өтіп бара жатқанын байқап қалған. Такси жүргізушісі болған ер адам бұрын кішкентай қыздың анасымен бірге көлігіне отырғанын, сол кезде ойыншығын ұмыт қалдырғанын есіне түсірген.
Ер адам осыны пайдаланып, кішкентай қызды "ойыншықты қайтарып беремін, үйіне алып барамын" деп алдап шақырған. Орман алқабына жеткен кезде қызды зорлап, артынша тұншықтырып өлтірген. Кейін денесін айдалаға тастап кеткен. Қылмысын жасырғысы келгенімен, ер адам тұтқындалып 25 жылға бас бостандығынан айырылды. Психологпен сөйлесу барысында, ол өз қылмысының жанына тыныштық бермейтінін жеткізген.
7-09-2022, 13:10
Ақмола облысында ер адам алты жасар қызды ұрлап әкетіп, зорлап өлтіргені үшін сотталды
Егер мәтінде қате байқасаңыз, оны таңдап, Ctrl+Enter пернелерін басыңыз