Жетісу облысы Сарқан ауылының әкімі Талғат Қанатұлы Қайнарбеков 53 жасында өмірден өтті. Қайғылы хабарды аудандық әкімдік өз Facebook парақшасында жеткізді, деп жазады kazlenta.kz
"Бүгін ауданымыздың тумасы 53 жасында Сарқан ауданының әкімі болған Талғат Қанатұлы Қайнарбеков өмірден өтті. Орны толмас қаза тек ет жақындарын ғана емес, барша аудан тұрғынына ауыр тигені сөзсіз.
Талғат Қанатұлы еңбек жолында Талдықорған қаласы әкімінің орынбасары, Текелі және Қапшағай (қазіргі Қонаев) қалаларының әкімі қызметін атқарған. Ал 2020 жылдың мамыр айынан бастап қазіргі Жетісу облысының Сарқан ауданын басқарды. Талғат Қанатұлының жарқын бейнесі мәңгі жадымызда қалады. Иманы жолдас, топырағы торқа болсын! Талғат Қанатұлының жақындары мен туған-туыстарына қайғырып көңіл айтамыз!", - деп жазылған хабарламада.
5-09-2022, 11:08
Жетісу облысында аудан әкімі қайтыс болды
Егер мәтінде қате байқасаңыз, оны таңдап, Ctrl+Enter пернелерін басыңыз