Мемлекет басшысы Қасым-Жомарт Тоқаев жер аумағынан айырылып қалған елдер туралы айтты, деп хабарлайды kazlenta.kz.
"Ішкі, сыртқы сын-қатерлерді мұқият ескеруіміз керек. Біз Тәуелсіздік жылдарында небір қиындықтан аман өттік. Сын-қатердің бәрін еңсеріп, осы күнге жеттік. Енді елімізді түбегейлі жаңғыртуға кірістік. Бұл кезең алмағайып кезеңге тұспа-тұс келіп отыр. Қазіргі халықаралық ахуал Қазақстанға да әсер ететіні анық. Бірақ заман қаншалық күрделі болса да біз бағдарымыздан айнымаймыз. Өткеннен тағылым алып, келешекке сеніммен қадам басамыз. Осы жолда жұртымызға ең алдымен, ауызбіршілік керек, ақыл мен сабыр, парасат пен ұстамдылық қажет", - деді Президент Жолдауында.