Қазіргі таңда Қазақстан армиясында әскери қызметшілер мен азаматтық персонал өкілдерінің 81%-дан астамы коронавирусқа қарсы екпе алды. Оған вакцинаның толық курсынан өткен жеке құрам тартылып жатыр. Екпеге медициналық қарсы көрсетілімдері барлар ғана қатыспайды, деп хабарлайды kazlenta.kz.
Ревакцинация ерікті түрде жүргізілу үстінде. Вакцина салар алдында медицина қызметінің мамандары пациенттерге препараттың адам ағзасына әсері туралы мәлімет береді. Екпе алған барлық пациенттер жарты сағат бойы дәрігерлердің бақылауында болады.
Процедура тіркелген жері бойынша әскери емханаларда және жергілікті емдеу мекемелерінде жүргізіледі. Мерзімді қызметтегі әскери қызметшілер мен әскери оқу орындарының курсанттары вакцинаны тұрақты орналасу пункттерінде алып жатыр.
Құрамалар мен әскери бөлімдердің аумағында екпе салатын пункттер орналастырылып, көшпелі егу бригадалары жұмыс істейді.
Жеке құрамды уақтылы қайта вакцинациялау ұжымдық иммунитетті қалыптастырып, коронавирус инфекциясының таралмауына мүмкіндік береді.