"Бүгін біз екпеден 6 оқушыны өткізуді жоспарладық. Біз мұны оқушылардың ата-аналарымен алдын-ала талқылап және олардың жазбаша да, ауызша да келісімін алдық. Мұндай жұмыс мектепке қанша вакцина әкелу керектігін есептеу үшін алдын-ала жүргізілді, өйткені бір шөлмек 6 дозаға есептелген. "Пфайзер" компаниясының "Комирнати" вакцинасын +2 - +8 температура аралығында 31 күн сақтауға болады. Сол себепті біз екпеден өтетін адам санын алдын ала жоспарлап, құтылардың белгілі бір санын ғана алып келеміз", - деп атап өтті "Салауатты Астана" емханасының мектеп-мектепке дейінгі бөлімшесінің меңгерушісі Сәуле Еңсебаева.
Оның айтуынша, емхана ұзақ уақыт бойы екпе жасаумен жұмыс істеп келеді.
"Біздің барлық қызметкерлеріміз мол жұмыс тәжірибелері бар мамандар, алайда елге "Пфайзер" компаниясының жаңа вакцинасы келді, сондықтан да белгілі бір толқу бар. Біз, әрине, осы вакцинаның әлемде қолданылуын қадағалап отырамыз, барлық нұсқаулықтарды білеміз, вакцина өте жақсы", - деп қосты ол.
Әдістемелік нұсқауларға сәйкес, бұл вакцинаны көптеген басқа белгілі инъекциялар сияқты аш қарынға жасауға болмайды."Тіпті қарапайым дәрумендерді аш қарынға егуге болмайды. Мысалы, анестезиядан бұрын тіс дәрігері науқастың аш-тоқ екенін сұрайды. Осы жағдайды ескеріп, балаларды екпелейтін болғандықтан, олар таңғы ас ішпей келсе, біз оларға шәй мен жеңіл тағамдар дайындап отырамыз. Және де, екпеден кейін олар біздің байқауымызда болады", - деді дәрігер.
Екпе алған №71 мектеп оқушысы Никита Киба бүкіл отбасының вакцинацияланғанын айтты. Никитаның әкесі жүк тасымалдаумен айналысады, ал анасы анестезиолог және ауруханада жұмыс істейді, оның отбасында коронавирустық инфекцияға қарсы вакцинациядан ешбір қорқыныштарының жоқ екенін және оң көзқарастарымен қабылдайтындарын айтты.