2026 жылы Алматы халықаралық деңгейдегі мәдени, спорттық және ойын-сауық іс-шараларына толы жыл болмақ, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Қала оқиғалық туризм орталығы ретіндегі мәртебесін нығайтып, тұрғындар мен қонақтарға мазмұнды әрі ауқымды бағдарлама ұсынуды жалғастырады.
Мұндай іс-шараларға деген қызығушылық сараптамалық деректермен де расталады. Mastercard мәліметінше, 2025 жылы Алматыда 11-ден астам ірі халықаралық іс-шара өткен. Олар туристер санының артуына және қаланың экономикалық белсенділігінің күшеюіне айтарлықтай әсер еткен. Мысалы, кейбір ірі іс-шаралар кезінде шетелдік қонақтардың шығыны 16%-ға дейін өскен.
Олардың қатарында «Қайрат – Реал Мадрид» футбол матчы, Jennifer Lopez пен Backstreet Boys концерті, сондай-ақ Park Live фестивалі, Almaty Marathon және халықаралық спорттық турнирлер бар.
2026 жылы Алматы осы қарқынды сақтайды. Маусым 19 сәуірде қаланың орталық көшелерінде өтетін Almaty Half Marathon көктемгі жарысымен ашылады.
22 сәуірде Almaty Arena-да аты аңызға айналған британдық Deep Purple рок тобы өнер көрсетеді.
4-5 мамыр күндері Atakent Expo Center алаңында алғаш рет Орталық Азия мен Кавказдағы ірі технологиялық және жасанды интеллектке арналған іс-шаралардың бірі GITEX AI Kazakhstan өтеді.
8 мамырда осы алаңда Lost Frequencies қатысатын First Fest электронды музыка фестивалі ұйымдастырылады. Сол күні Республика сарайында еуродиско жұлдызы C.C. Catch C. C. Catch концерт береді.
16 мамырда Орталық стадионда SOLANA фестивалі өтіп, онда Flo Rida, Tyga және Busta Rhymes өнер көрсетеді.
11–14 маусым аралығында Almaty Arena-да жануарларды пайдаланбайтын заманауи цирк — Cirque du Soleil гастрольдік шоуы ұсынылады.
27 маусымда Первомай тоғандарында халықаралық артистер қатысатын Satisfaction Fest электронды музыка фестивалі өтеді. Ал 28 маусымда «Спартак» стадионында Megadeth тобының концерті жоспарланған.
18 шілдеде «Спартак» стадионында Ricky Martin концерті өтеді. Арнайы қонақ ретінде Natalie Imbruglia қатысады.
21-23 тамыз күндері Первомай тоғандарында Park Live фестивалі өтіп, онда Gorillaz және Jack White қатысады.
Маусым 5 қыркүйекте Орталық стадионда өтетін Enrique Iglesias концертімен қорытындыланады.
Бұл ауқымды іс-шаралар қалаға туристердің қызығушылығын арттырып қана қоймай, Алматының экономикасы мен халықаралық беделіне оң әсер етеді деп болжанып отыр.