5 наурыз күні Алматыда Еріктілер жылы – 2026 ресми түрде басталды. Салтанатты рәсімге еріктілер ұйымдарының өкілдері, қозғалыс үйлестірушілері, белсенді және «күміс» еріктілер, серіктестер мен мемлекеттік құрылымдардың өкілдері сынды шамамен 450 адам қатысты, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Іс-шараның басты сәттерінің бірі Уақыт капсуласы – 2026 салу болды. Капсулаға еріктілер қозғалысын дамытудың стратегиялық мақсаты мен басым бағыттары, сондай-ақ еріктілер ұйымдары жетекшілерінің үндеуі енгізілді. Іс-шара аясында еріктілер ұйымдарының форумы мен жәрмеңкесі өтті. Қатысушылар әлеуметтік, спорттық, жастар және цифрлық еріктілік бағыттарындағы жобаларды, сондай-ақ қауіпсіздік пен төтенше жағдайлар саласындағы бастамаларын таныстырды.Алматыдағы Еріктілер жылы еріктілік мәдениетін дамытудың және қала тұрғындарын әлеуметтік әрі қалалық бастамаларға кеңінен тартудың жаңа кезеңіне айналады.6-03-2026, 18:09
Алматыда Еріктілер жылы – 2026 ашылып, Уақыт капсуласы салынды
Фото: Алматы қаласы әкімінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз