Алматыда тұрғындарды міндетті әлеуметтік медициналық сақтандыру (МӘМС) жүйесімен қамтуды кеңейту шаралары талқыланды,деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Қала әкімі Дархан Сатыбалды кеңес өткізіп, онда атқарылып жатқан жұмыстардың қорытындысы мен 2026 жылы 1 қаңтардан бастап күшіне енген МӘМС саласындағы заңнамалық өзгерістер қаралды. Әсіресе, әлеуметтік осал санаттағы жұмыс істемейтін азаматтар үшін жарнаны жергілікті бюджет есебінен төлеуге ерекше назар аударылды. Қалада Тіркелген халық регистріндегі деректерді жаңарту бойынша жүйелі жұмыс жүргізіліп жатыр. «Қала – аудан – емхана» желісі бойынша ведомствоаралық өзара іс-қимыл алгоритмі қалыптасып, МӘМС жүйесіне енбеген азаматтарға қолдау көрсетіліп отыр. Осы бағытта тұрғындарға қоңырау шалу, ақпараттық акциялар өткізу, сондай-ақ емханаларға жүгінген кезде МӘМС мәртебесін бақылау шаралары қолға алынған.Кеңес қорытындысы бойынша Дархан Сатыбалды ведомствоаралық үйлестіруді күшейтудің, сондай-ақ бюджет қаражатын ашық әрі тиімді пайдалануды қамтамасыз етудің маңызын атады.12-01-2026, 17:43
Алматыда МӘМС жүйесімен қамтуды кеңейту шаралары талқыланды
Егер мәтінде қате байқасаңыз, оны таңдап, Ctrl+Enter пернелерін басыңыз