Алматыдағы Оқушылар сарайында Жұмыспен қамту және әлеуметтік бағдарламалар басқармасының Еңбек мобильдігі орталығы мен қалалық прокуратураның бірлесуімен, Мемлекет басшысының бастамасымен жарияланған Жұмысшы мамандықтары жылы аясында жалпықалалық бос жұмыс орындары жәрмеңкесі ұйымдастырылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Іс-шараның мақсаты – халықты жұмыспен қамтуға жәрдемдесу, жұмысшы мамандықтарының мәртебесін арттыру, сондай-ақ жұмыс берушілер мен жұмыс іздеушілер арасында тікелей байланыс орнатуға мүмкіндік беру.
Жәрмеңкеге құрылыс, өнеркәсіп, білім беру, медицина және басқа да салалар бойынша 1 247 жұмыс орнына 221 бос жұмыс орнын ұсынған 70-тен астам жұмыс беруші қатысты.
Жәрмеңкеге келгендер жұмыс берушілермен тікелей сұхбаттасып, бос жұмыс орындары туралы ақпарат алып, жұмыспен қамту және кәсіптік оқыту бағдарламалары жөнінде кеңес алды. Әсіресе, сұранысқа ие мамандықтарды меңгергісі келетін азаматтарға кәсіби қайта даярлау және біліктілікті арттыру бағдарламаларына ерекше назар аударылды
Мұндай іс-шаралар халықты жұмыспен қамтуға, еңбек әлеуетін арттыруға және жұмысшы мамандықтарының оң имиджін қалыптастыруға ықпал етеді.