Алматыда бірегей табиғи аумақ – Баум тоғайын сақтау және дамыту жобасы жүзеге асырылып жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жобаның мақсаты – экожүйені барынша сақтай отырып, қаланың жасыл қорын нығайту және тұрғындарға жайлы демалыс аймағын қалыптастыру.Қазақ ұлттық аграрлық университеті мен Орман ғылыми-инновациялық институтының түгендеу деректеріне сәйкес, тоғай аумағында 104 мыңнан астам ағаш бар. Оның ішінде 55%-ы – сау, 23%-ы – әлсіреген, 12%-ы – баяу өсетін, 8%-ы – қурағае, ал 1%-ы – апатты жағдайда деп танылған. Осыған байланысты санитарлық тазалау және күтіп-баптау жұмыстары жүргізіліп жатыр. Ағаштарды жаппай кесу көзделмеген: керісінше, 2026 жылы 1000-нан астам жаңа көшет отырғызу жоспарланып отыр. Жобаның орындалуын Алматы қаласының Қоғамдық кеңістіктерді дамыту басқармасы қадағалайды. Экологиялық таза материалдар пайдаланылып, энергия үнемдейтін жарықтандыру мен бейнебақылау жүйелері орнатылып жатыр.