Дархан Сатыбалды «Батыс» полиорталығындағы жаңа жобалар жөнінде кеңес өткізді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматы әкімі полиорталық аумағын дамыту жайын талқылап, көріктендіру, көгалдандыру және әлеуметтік нысандардың құрылысына ерекше назар аударды. Алдағы уақытта инвесторлардың қаражаты есебінен 500 адамға арналған емхана мен клиникалық-диагностикалық орталықтың, сондай-ақ, 1200 орындық мектептің құрылысы басталмақ. Тағы бір маңызды жоба — халықаралық стандарттарға сай Олимпиадалық деңгейдегі гимнастика орталығының құрылысы,-делінген хабарда.Дархан Сатыбалды полиорталықтың сәулеттік келбетімен үйлесімді болуын және энергия үнемдейтін материалдарды пайдалануды ескере отырып, ғимараттардың қасбеттік шешімін жетілдіруді тапсырды. «Батыс» полиорталығы өмір сүруге және спортпен айналысуға қолайлы, заманауи әрі экологиялық кеңістік ретінде дамып келеді.
