Алдағы демалыс күндері Құлагер ықшамауданындағы «Гүлдер» саябағының алдында жергілікті шаруалардың өнімдерін қолжетімді бағамен ұсынатын жаңа сауда алаңы жұмысын бастайды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жұмыс уақыты: сенбі-жексенбі күндері, сағат 09:00–18:00.Бағалар: әлеуметтік маңызы бар азық-түліктер нарықтағыдан 15–20% төмен. Мақсат: жергілікті шаруаларды қолдау және тұрғындарға қолжетімді, сапалы өнім ұсыну. Қазіргі таңда демалыс күнгі жәрмеңкелер Алмалы, Әуезов, Бостандық және Медеу аудандарында да тұрақты өтеді. Апта сайын 300-ден астам фермер 1 000-нан астам тауар түрін ұсынады. Жәрмеңкелерге 45 мыңнан астам тұрғын келеді,-делінген хабарламада.