Алматыда демалыс күндері өтетін жәрмеңкелерге келушілер саны аптасына 45 000 адамға жетті – бұл бұрынғыдан 50%-ға көп, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл өсім көктем мезгілінің басталуымен, жаңа өнім түрлерінің көбеюімен және инфрақұрылымның жаңартылуымен байланысты: жаңа сөрелер орнатылып, санитарлық жағдайлар жақсарды, келушілер үшін ыңғайлы бағыттар жасалды.Жәрмеңкеге Алматы мен облыстың 300-ден астам ауылшаруашылық өндірушісі мен фермері өнімдерін ұсынады. Апта сайын мұнда шамамен 800 тонна өнім сатылады – ет, көкөністер, жемістер, сүт өнімдері, бал және т.б. барлығы 1 000-нан өнім түрі бар.Әлеуметтік маңызы бар тауарлар нарық бағасынан 15-20%-ға арзан сатылады.Жәрмеңкелер әр апта сайын сағат 09:00-ден 18:00-ге дейін мына мекенжайда өтеді:• Алмалы ауданы – Масанчи көшесі (Әйтеке би және Гоголь көшелерінің арасында);• Әуезов ауданы – Өтеген батыр көшесі (Абай даңғылының төменгі жағында);• Бостандық ауданы – Қазақфильм шағын ауданы (Әл-Фараби даңғылының жоғарғы жағында);• Медеу ауданы – Мендіқұлов бульвары – Бектұров көшесі.