Атырауда полицейлер №66 түзеу мекемесін тексеріп, есірткі айналымының алдын алды, - деп хабарлайды kazlenta.kz тілшісі Polisia.kz сайтына сілтеме жасап.
Атырау облысында есірткі құралдарының, психотроптық заттар мен олардың прекурсорларының заңсыз айналымын анықтау және жолын кесу мақсатында "Қарасора-2025" жедел профилактикалық іс-шарасы жүргізілуде. Шара аясында Атырау облысы полиция департаментінің есірткі қылмысына қарсы іс-қимыл басқармасы мен кинологиялық қызмет орталығының қызметкерлері қылмыстық-атқару жүйесі департаментінің №66 түзеу мекемесін тексерді. Тексеру арнайы үйретілген қызметтік және іздестіру иттерін пайдалана отырып өткізілді. Іс-шара барысында мекеме аумағындағы автокөліктер мен күдіктілер ұсталып отыратын бөлмелер мұқият қаралды. Мақсат – өңірге тыйым салынған есірткі және психотроптық заттардың жеткізілуіне жол бермеу, сондай-ақ олардың заңсыз айналымына тосқауыл қою. Профилактикалық тексеру нәтижесінде №66 түзеу мекемесінде күдік тудыратын заттар анықталған жоқ. Полиция бұл бағыттағы жұмыстардың күн сайын тұрақты түрде жүргізілетінін атап өтті.16-08-2025, 11:42
Атырауда полицейлер есірткі айналымының алдын алу бағытында түзеу мекемесін тексерді
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз