Елордадағы амфитеатрда 12 тамыз күні сағат 18:00-де Халықаралық жастар күніне орай ашық аспан астында «JASTAR FEST» атты грандиозды жастар фестивалі өтеді, деп хабарлайды kazlenta.kz тілшісі Астана қаласы әкімдігінің ресми сайтына сілтеме жасапа.
Іс-шараны Астана қаласының Жастар саясаты мәселелері басқармасы ұйымдастырады. Фестиваль жасөспірімдер мен жастардың шығармашылық қабілеттерін дамытуға, тәжірибе алмасуға, адамгершілік құндылықтарды қалыптастыруға, суицидтің алдын алуға және жұмысшы мамандықтарды насихаттауға бағытталған. Сондай-ақ «Таза Қазақстан» экологиялық бастамасын ілгерілетуге ерекше назар аударылады.Сахнада әртүрлі салада табысқа жеткен танымал спикерлер сөз сөйлеп, өз тәжірибелері мен шабыттандыратын оқиғаларымен бөліседі. Қатысушыларды көшбасшылық, медиа, технология, өнер және әлеуметтік жобалар тақырыбында пайдалы дәрістер күтіп тұр.Кеш қонақтары — отандық эстрада жұлдыздары: Ersultan Omar, Madeniyett, Серик Гамза-заде, Bonapart, Baxa, Rick, ал басты хедлайнер — KAZYBEK KURAIYSH. Фестивальдің жүргізушілері — Бексултан Әкімжан мен Ирина Тен.«JASTAR FEST» шарасына қала тұрғындары мен қонақтары тегін кіре алады.10-08-2025, 12:12
Астанада жұлдыздар мен үздік спикерлер қатысатын ауқымды «JASTAR FEST» өтеді
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз