Абай облысындағы Алакөлде 120-дан астам баланың жоғалу дерегі тіркелді, - деп хабарлайды kazlenta.kz тілшісі Polisia.kz сайтына сілтеме жасап.
Абай облысындағы Алакөл көлінің жағалауында туристік маусым басталғалы бері кішкентай балалардың жоғалуына қатысты 120-дан астам өтініш тіркелді. Әсіресе демалушылар көп шоғырланған орталық Арбат аумағында ата-аналар балаларына бір сәт назар аудармай қалғанда, олар көзден таса болып кетуде. Туристік полиция қызметкерлері барлық жағдайда шұғыл әрекет етіп, балаларды дер кезінде тауып, аман-есен ата-аналарына қайтарды. Құзырлы орган өкілдері балалардың қауіпсіздігіне ерекше мән беру қажеттігін ескертеді. Мұндай сәттерде уақытты жоғалтпай, бірден хабар беру — қауіпсіздіктің басты кепілі. Туристік полиция ата-аналарға адамдар көп жиналатын жерлерде балаларына мұқият болуды, оларды қараусыз қалдырмауды қатаң түрде ұсынады. Жауапкершілік пен сақтық – баланың амандығына апарар жол.30-07-2025, 18:28
Алакөлде балалардың жоғалу жағдайлары жиілеп кетті – туристік полиция қырағылыққа шақырады
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз