ШҚО-да ірі көлемде есірткі тәркіленді, — деп хабарлайды kazlenta.kz тілшісі Polisia.kz сайтына сілтеме жасап.
“Қарасора” жедел-профилактикалық іс-шарасы аясында облыстық прокуратураның үйлестіруімен полицейлер есірткі жеткізу арнасын анықтады. Жүргізілген жедел іс-шаралар барысында өңірдің 34 жастағы тұрғыны ұсталды. Ол ірі көлемдегі есірткіні басқа қаладан жеткізгені белгілі болды. Оның үйін тінту кезінде сараптама нәтижесіне сәйкес жалпы салмағы 20 келіден асатын марихуана тәркіленді. Анықталғандай, “тауар” әрі қарай байланыссыз жолмен сатуға арналған. Аталған факті бойынша сотқа дейінгі тергеп-тексеру басталды. Күдікті уақытша ұстау изоляторына қамалды. Жедел-тергеу шаралары жалғасуда.30-07-2025, 14:17
ШҚО-да ірі көлемде есірткі тәркіленді
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз