ШҚО-да ауыл тұрғынынан аса ірі көлемде есірткі тәркіленді, – деп хабарлайды kazlenta.kz тілшісі Polisia.kz сайтына сілтеме жасап.
Полиция қызметкерлері облыстық прокуратураның үйлестіруімен өңір тұрғындарының бірінің есірткі заттарын заңсыз сақтағанын анықтады. Жедел тінту барысында оның үйі мен шаруашылық құрылыс нысандарынан психотроптық заттарды өңдеуге пайдаланылған құралдар, сондай-ақ өзіндік иісі бар өсімдік тектес зат салынған жеті қаптама табылды. Бұдан бөлек, ұқсас зат бар көк түсті полимерлі қойма ыдысы анықталды. Сарапшының қорытындысына сәйкес, тәркіленген заттың жалпы салмағы 4846,71 грамм кептірілген марихуана екені белгілі болды. Бұл мөлшер заң бойынша аса ірі көлемге жатады. Аталған факті бойынша сотқа дейінгі тергеу жүргізілуде, тергеу әрекеттері жалғасуда. Оның нәтижелері бойынша қорытынды процессуалдық шешім қабылданады.28-03-2025, 17:26
ШҚО-да ауыл тұрғынынан аса ірі көлемде есірткі тәркіленді
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз