Шымкентте инфрақұрылымдық және өндірістік нысандарды жөндеу мен модернизациялау бойынша белсенді жұмыстар жүргізілуде. Мысалы, Қаратау ауданында «АИО-160 Гкал» қазандық станциясында жылыту маусымына дайындық аясында жөндеу жұмыстары жүргізілуде. Бұл нысандағы бес қазандық та жоспар бойынша жөндеуден өтуде. Жұмыстардың сапасы мен мерзімдері бақылауда, деп хабарлайды kazlenta.kz тілшісі Үкіметтің басспасөз қызметіне сілтеме жасап.
Мәртобе тұрғын алабында орналасқан «Ахал Теке ДС» ЖШС-нің өндірістік алаңында өнеркәсіптік мұздатқыш қондырғыларын шығару және орнату жобалары белсенді жүзеге асырылуда. Бұл жобалар нәтижесінде 20 жаңа жұмыс орны құрылуы жоспарлануда. Сондай-ақ, осы өндірістік аймақта «Yaliang» ЖШС-і алюминий терезелері мен есіктерін шығарады. Оның жылдық өндірістік қуаты 25 мың шаршы метрді құрайды, 15 адам тұрақты жұмыспен қамтылған.
Инвестициялар тарту және жаңа жұмыс орындарын ашу маңызды басымдықтар болып табылады. Осы мақсатта кәсіпкерлерді қолдауды жалғастыру және индустриалды алаңдарды ары қарай дамыту жоспарлануда.
Одан бөлек, «Ұлағат» шағын ауданында кәріз жүйесін қалпына келтіру жұмыстары жүргізілуде. Жұмыстардың аяқталуы 2025 жылдың шілде айына жоспарланған. Барлық жұмыстар құрылыс нормалары мен стандарттарға сәйкес орындалады.
Сонымен қатар, Тұран ауданында орналасқан су-спорт кешенінің күрделі жөндеу жұмыстары жүргізіліп жатыр. Жұмыстардың орындалуы жоспарға сәйкес және барлық техникалық талаптар мен қауіпсіздік стандарттарын сақтай отырып жүргізілуде.Еңбекші ауданындағы «Бадам-Лесхоз» ЖШС-нің теңгеріміндегі бау-бақша учаскелерін тиімді пайдалану мәселесіне ерекше назар аударылып отыр. Сонымен қатар, бау-бақша шаруашылығын дамыту мақсатында бұл учаскелерді жалға беру мүмкіндіктері де қарастырылуда.