Көкшетауда көлік полицейлері есірткі курьерін ұстады, – деп хабарлайды kazlenta.kz тілшісі Polisia.kz сайтына сілтеме жасап.
Көкшетау станциясындағы желілік полиция бөлімінің қызметкерлері жедел-іздестіру іс-шараларының нәтижесінде синтетикалық есірткіні заңсыз сатуға қатысы бар 24 жастағы қала тұрғынын анықтап, ұстады. Оның мессенджер арқылы ұсынысқа келісіп, қала аумағында психотроптық заттарды жасырып кету әдісімен тарату арқылы табыс табуды көздегені анықталды. Көлік полицейлерінің жедел әрі үйлесімді іс-қимылының нәтижесінде заңсыз әрекет уақытылы анықталып, жолы кесілді. Күдіктіні ұстау барысында одан бөлшектеліп оралған ірі көлемдегі мефедрон тәркіленді. Аталған факті бойынша сотқа дейінгі тергеп-тексеру жүргізілді. Сот қаскүнемді 7 жыл бас бостандығынан айыру жазасына кесті.Бүгін, 15:37
Көкшетауда көлік полицейлері есірткі курьерін ұстады
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз