Парламент палаталарының бірлескен отырысында депутаттар сауалдарына жауап берген Сауда және интеграция министрі Арман Шаққалиев өткен жылы шикізаттық емес экспорт $40,6 млрд-ты құрағанын атап өтті, деп хабарлайды kazlenta.kz тілшісі Үкіметтің баспасөз қызметіне сілтеме жасап.
«Ең алдымен нәтиже бойынша айту керек. Өткен жылдың қорытындысы бойынша шикізаттық емес экспорт $40,6 млрд-ты құрады. Бұл жоспарланған көрсеткіштен 3 млрд-тан жуық жоғары. Ол бірінші. Екіншіден, 2021 жылдан бері 14 елде 40-тан астам іс-шара өтті. Мысалы, 2500-ден астам B2B кездесулер ұйымдастырылды. 2024 жылы $1,3 млрд-тан астам келісімшарттар жасалды. Соңғы үш жылда 780-нен астам жаңа экспорттаушы шетелдік нарыққа шықты. 2024 жылы 129 компания жалпы сомасы 6,3 млрд теңге көлемінде қолдау алды. Бұл компаниялардың 2024 жылы экспорт көлемі – 1,3 трлн теңге. 2024 жылы көмек алған компаниялар өз міндеттерін 100% орындады», —деді министр.