Халықаралық балаларды қорғау күніне арналған іс-шара аясында 31 мамыр мен 1 маусым күндері елордада қалалық ауыл шаруашылығы жәрмеңкесі өтеді, деп хабарлайды kazlenta.kz тілшісі Астана қаласы әкімдігінің ресми сайтына сілтеме жасап.
Жәрмеңкеде жергілікті фермерлер мен Қазақстанның түрлі өңірлерінен келген өндірушілердің өнімдері ұсынылады. Қала тұрғындары мен қонақтары көкөністер мен жемістерді, ет, ұн және сүт өнімдерін, нан-тоқаштарды, табиғи шырындар мен тосаптарды және тағы басқа көптеген өнімдерді тиімді бағамен сатып ала алады.Іс-шара 31 мамыр мен 1 маусым аралығында сағат 09:00-ден 19:00-ге дейін Нұрғиса Тілендиев даңғылы, 12а мекенжайындағы «Koktal» сауда-ойын-сауық орталығында өтеді.Айта кету керек, елордада Бейбарыс Сұлтан көшесі, 23 мекенжайында («Рио-де-Жанейро» тұрғын үй кешенінің қарсы бетінде) ауыл шаруашылығы жәрмеңкесі жұмыс істейді. Ол күн сайын сағат 9:00-ден 19:00-ге дейін ашық.Жәрмеңке маңынан №2, 32, 49, 50, 73 автобустар жүріп өтеді, бұл іс-шара орнына ыңғайлы жетуге мүмкіндік береді.Кеше, 16:51
Астанада мереке қарсаңында қалалық ауыл шаруашылығы жәрмеңкесі өтеді
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз