Алматыда жол ережесін бұзған мопед жүргізушілері анықталды, — хабарлайды kazlenta.kz тілшісі Polisia.kz сайтына сілтеме жасап.
Мопедтерді пайдалануға қойылатын жаңа талаптар күшіне енгеннен бері (осы жылдың 5 сәуірінен бастап) Алматыда мопед жүргізушілері жасаған 2 мың 600-ден астам жол қозғалысы ережесін бұзу дерегі тіркелген. 800-ден астам мотокөлік мамандандырылған айыппұл тұрағына қойылды. Құқық бұзушылықтарды анықтау шаралары Ішкі істер министрі жариялаған алдын алу жылында жүзеге асырылған “Қауіпсіз жол” жедел-профилактикалық іс-шарасы аясында жүргізілуде. Жергілікті полиция қызметінің күшейтілген патрульдік полиция жасақтары қала көшелерінде тіркеусіз, сақтандырусыз және жүргізуші куәлігінсіз мопед жүргізу деректерін күн сайын тіркеуде.
Мемлекет Басшысы бекіткен “Заң және тәртіп” қағидаты аясында Алматы полициясы жол қозғалысына қатысушылар арасында тәртіпті жақсартуға және автокөліктердің қатысуымен болатын жазатайым оқиғаларды азайтуға бағытталған мақсатты профилактикалық іс-шараларды жалғастырады.