Шығыс Қазақстан облысында полицейлер 2016 жылдан бері іздеуде жүрген 38 жастағы азаматты әуежайда ұстады, – деп хабарлайды kazlenta.kz тілшісі Polisia.kz сайтына сілтеме жасап.
Ол 5 миллион теңге көлемінде алаяқтық жасады деген күдікке ілінді. Қылмыстық іс материалдарына сүйенсек, күдікті біреудің сеніміне кіріп, оның қаражатын иемденген. Осы әрекеті үшін ол іздеуде болған. Жылдар бойы күдікті әділ соттан жасырынған, тұрғылықты мекенжайын жиі ауыстырып, қоғамдық орындардан әдейі бой тасалап жүрген. Жедел-іздестіру шараларының нәтижесінде полицейлер оны Өскемен қаласына ұшып келген бетте әуежайда ұстады. Қазіргі уақытта күдікті уақытша ұстау изоляторына қамалды. Тергеу амалдары жүргізіліп жатыр.Бүгін, 14:23
ШҚО-да полицейлер іздеуде жүрген азаматты әуежайда ұстады
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз