Ru  Kz
Барлық жаңалықтар

Қазақстанның Сауда министрлігі Трамптың жаңа тарифтеріне қатысты мәлімдеме жасады

Қазақстанның Сауда министрлігі Трамптың жаңа тарифтеріне қатысты мәлімдеме жасады
Фото: depositphotos.com

Сауда және интеграция министрлігі АҚШ президенті Дональд Трамптың 185 елден, соның ішінде Қазақстаннан да импортқа баж салығын енгізу туралы шешіміне пікір білдірді, - деп хабарлайды kazlenta.kz тілшісі Tengrinews.kz сайтына сілтеме жасап.

"АҚШ тарапынан қабылданған жаңа сауда шараларын алдын ала талдау нәтижесінде Қазақстаннан АҚШ-қа экспортталатын тауардың елеулі бөлігіне қосымша тарифтердің әсері болмайтыны анықталды. Өйткені олар АҚШ әкімшілігінің нормативтік актілерінде көзделген ерекшеліктер тізіміне енгізілген", - деп жазылған хабарламада.

Ұлттық статистика бюросының мәліметтеріне сүйенсек, 2024 жылдың нәтижесі бойынша Қазақстан мен АҚШ арасындағы тауар айналымы 4,2 млрд АҚШ доллары болады, бұл 2023 жылмен салыстырғанда 4%-ға артық (4,1 млрд АҚШ доллары). Қазақстанның АҚШ-қа экспорт көлемі 2024 жылы 30,6%-ға артып, 2,0 млрд АҚШ доллары болған. АҚШ-тан Қазақстанға импорт көлемі 2,2 млрд АҚШ доллары болды.

Қазақстаннан АҚШ-қа экспортталатын негізгі тауарлар - шикі мұнай, уран, күміс, ферросплавтар және басқа да тауарлар. Министрлік мәліметінше, бұл өнімдер АҚШ президентінің "Тауарлар саудасындағы маңызды және тұрақты тапшылықты жою мақсатында өзара тарифтер арқылы импортты реттеу туралы" жарлығы бойынша ерекшеліктер тізіміне енгізілген тауарлардың 92%-ы болады.

"Қосымша баждар белгілі бір тауар түрлеріне енгізіледі. Бұл санаттағы тауарлардың экспорт көлемі былтыр 95,2 млн АҚШ доллары болды. Олардың ішінде фосфор (2024 жылы экспорт көлемі 15,9 млн АҚШ доллары), ферросилиций (12,7 млн АҚШ доллары), линзалар (4,1 млн АҚШ доллары), бидай клейковинасы (4 млн АҚШ доллары), аммоний нитраты (2,4 млн АҚШ доллары) бар. Қабылданған шаралар Қазақстанның АҚШ-қа жалпы экспортының тек 4,8%-ына әсер етеді. Үкімет Қазақстанға қатысты қосымша баждарды қолданбау мүмкіндігін талқылау үшін АҚШ тарапымен консультациялар жүргізуге ниетті", - деп жазылған хабарламада.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Валерий Меладзе Астананың сұлулығына таң қалды
Баян Алагөзова сәбилі болды
Қайрат Нұртас 15 тәулікке қамауға алынады
Бүгін Димаш Құдайберген 30 жасқа толды
Димаш Құдайберген Ақтөбе облысының құтқарушыларына алғысын білдірді
Мультимедиа
Мемлекет басшысы күштік құрылым қызметкерлерін марапаттады
2025 жылғы реформалар мен жаңа өзгерістер: Көлік министрлігі
Мемлекет басшысы KIS Astana халықаралық мектебін аралап көрді
Шымкентте «Көк тудың желбірегені» атты патриоттар форумы өтті
Олжас Бектенов Президенттің Жаңаөзенді дамыту жөніндегі тапсырмаларының орындалуын тексеріп, ГӨЗ құрылысымен танысты