Ақмола облысында көлікті есірткіге мас күйде басқарған жүргізуші анықталды, – деп хабарлайды kazlenta.kz тілшісі Polisia.kz сайтына сілтеме жасап.
25 наурызда Ақмола облысы ПД патрульдік полиция ротасының қызметкерлері Целиноград ауданының Қосшы қаласында қызмет атқару кезінде Nissan Pathfinder көлігін тоқтатты. Көлік тізгінінде бұрын қылмыстық жауапкершілікке тартылған, сондай-ақ 2024 жылы Қазақстан Республикасы ӘҚБтК-нің 608-бабы бойынша 7 жыл мерзімге жүргізуші куәлігінен айырылған 32 жастағы жергілікті тұрғын болды. Медициналық куәландыру нәтижелері бойынша жүргізушінің есірткіге мас екені анықталды. Полиция осы факті бойынша сотқа дейінгі тергеуді бастады. Тәртіп сақшылары азаматтарға алкогольдік немесе есірткілік мас күйде көлік жүргізбеуге кеңес береді. Мұндай бұзушылықтар сіз үшін де, жол қозғалысының басқа қатысушылары үшін де қауіпті екенін естен шығармаңыз!31-03-2025, 14:14
Ақмола облысында көлікті есірткіге мас күйде басқарған жүргізуші анықталды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз