Алматы әкімі Ерболат Досаев жаңғырту мен қалпына келтіруден өткен Оқушылар сарайының Үлкен концерт залын аралап шықты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қала басшысының тапсырмасымен басталған жөндеу жұмыстары 2024 жылы қыркүйектен 2025 жылы наурызға дейін жүргізілді. Тарихи келбеті мен бірегей акустикалық жүйесі толық сақталды.
Қайта қалпына келтіру барысында гипстік элементтер, орындықтар, еден жабыны жаңартылып, заманауи дыбыс және жарық жабдықтары орнатылды. Сондай-ақ, сахналық құрылымдар, айналмалы сахнаның механизмдері, перде және электр жүйесі жаңартылды. Алғаш рет цифрлық басқару жүйесі бар LED экрандар орнатылды.Балалар театрының жөндеу жұмыстары кезінде мұнда Н.Сац атындағы жасөспірімдер театрының қойылымдары өтеді.Жаңғыртылған зал 15 000-нан астам балаға өнер көрсетуге мүмкіндік береді. Жаңғыртудың келесі кезеңінде Оқушылар сарайының қасбеті жаңартылады.