Алматыда заңсыз жұмыс істеген шетелдіктер анықталды, — деп хабарлайды kazlenta.kz тілшісі Polisia.kz сайтына сілтеме жасап.
Алматыда көші-қон заңнамасын бұзу деректерін анықтауға және алдын алуға бағытталған “Заңсыз келуші” республикалық жедел-профилактикалық іс-шарасы жүргізілуде. Жергілікті рейдтер барысында 29 шетелдік анықталды.
— Олардың 25-і қаладағы құрылыс нысандарында жұмыс істесе, тағы төртеуі зауытта жалпы еңбек міндеттерін атқарды. Айтпақшы, тағы екі шетелдік заңсыз жолаушылар тасымалдап, такси жүргізушісі болып жұмыс істегенін айта кеткен жөн. Шетелдіктердің барлығы Қазақстан Республикасының көші-қон заңнамасын бұзғаны үшін жауапқа тартылды, - деді Алматы қалалық ПД көші-қон қызметі басқармасының бастығы Еркін Амантаев.
Алматы полициясы көші-қон ережелерін сақтау елдегі құқық тәртібі мен қауіпсіздікті қамтамасыз етудің маңызды аспектісі екенін еске салады.