Қазақстан футбол федерациясының (ҚФФ) бұрынғы басшылығына қатысты тергеу басталды, деп хабарлайды kazlenta.kz тілшісі Zakon.kz сайтына сілтеме жасап.
Бұл туралы Қаржылық мониторинг агенттігінің баспасөз қызметі хабарлады.
"БАҚ тарапынан келіп түскен сұраныстарға байланысты ҚМА Қазақстан футбол федерациясының бұрынғы басшылығына қатысты сотқа дейінгі тергеуді бастағанын растайды. Барлық тергеу әрекеттері заңнама талаптарына сай жүргізіліп жатыр", - делінген хабарламада.
ҚР ҚПК-нің 201-бабына сәйкес өзге ақпарат жария етілмеді.
2024 жылғы 8 қарашада Әділет Бәрменқұловтың Қазақстан футбол федерациясының президенті қызметінен кететіні белгілі болды. Ол бұл қызметті 2022 жылғы ақпаннан бері атқарды.
20 желтоқсанда Марат Омаров ҚФФ президенті болды. Ал 2025 жылғы 21 қаңтарда Қазақстан құрамасының экс-футболшысы Давид Лорияның ҚФФ вице-президенті қызметіне кірісті.