Қала емханаларында Face ID технологиясын пайдалана отырып, пациенттерді сәйкестендірудің жаңа жүйесі іске қосылып жатыр, деп хабарайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл жаңашылдық медицинадағы есептің ашықтығын арттырып, қабылдау процесін жеңілдетіп, науқасты жалған тіркеудің жолын кеседі. Сонымен қатар, Цифрлық құжаттар сервисі арқылы пациенттер келетінін алты таңбалы кодпен растай алады. Жыл соңына дейін бұл жүйе қаланың барлық емханасына енгізіледі. Қазіргі уақытта Face ID жүйесін медициналық мекемелердің 70%-ы қолданып отыр.«Face ID технологиясын қолдану пациенттерді дәл сәйкестендіруге мүмкіндік береді. Бұл, әсіресе, рецепт жазып беру, ем тағайындау және медициналық құжат жүргізу кезінде аса маңызды. Біз бастапқы медициналық-санитарлық көмекті цифрландыру жұмыстарын жалғастырамыз. Бұл медициналық қызметті тұрғындар үшін қолжетімді әрі ыңғайлы етуге септігін тигізеді», - деді Алматы қаласы Қоғамдық денсаулық басқармасының басшысы Әсия Ақанова.