Сот Қайрат Құдайбергенге 2022 жылғы қаңтар оқиғалары бойынша үкім шығарды, - деп хабарлайды kazlenta.kz тілшісі Tengrinews.kz сайтына сілтеме жасап.
Сот Құдайбергенді жаппай тәртіпсіздіктерді ұйымдастырғаны және қатысқаны үшін кінәлі деп тауып, оны 8 жылға бас бостандығынан айырды. Сондай-ақ оған публицистикалық қызметпен айналысуға тыйым салынды.
VII шақырылымдағы қалалық мәслихаттың экс-депутаты Қайрат Құдайберген 2022 жылғы 22 сәуірде қаңтар оқиғалары бойынша қамауға алынған болатын. Содан бері ол қамауда болды.
Құдайберген жаппай тәртіпсіздіктерді ұйымдастырды және оған қатысты деген күдікке ілінген. Алдын ала тергеу барысында ол Алматыда Арман Жұмагелдиевпен (қылмыс әлеміндегі "Дикий Арман" лақап атымен танымал – еск.) бірге "Қазақстан" қонақүйінде адамдарды жинауды ұйымдастырғаны анықталды. Тергеу мәліметтері бойынша, Құдайберген Жұмагелдиевтің айналасына бірігуге, оны қолдауға және билікке біртұтас талап қоюға шақырған, сондай-ақ адамдарды әрқайсысы 10 адамнан тұратын топтарға бөліп, олардан өздерінің топтарын айқындау үшін қолдарына ақ байлам тағуды талап еткен.