17 қаңтарда кешкі уақытта Шымкент қаласында құрылысы аяқталып қалған тұрғын үй кешендерінің бірінен өрт шықты, деп хабарлайды kazlenta.kz тілшісі Zakon.kz сайтына сілтеме жасап.
ҚР ТЖМ баспасөз қызметінің хабарлауынша, өрт Тұран ауданы Қонаев көшесі бойында салынып жатқан тұрғын кешенінде тұтанған. Нақтыланған мәліметтерге сәйкес, 7-11 қабаттардағы үйдің қаптамасы мен пластикалық терезелер отқа оранған.
Зардап шеккендер жоқ.
"Өрт сөндірушілер өртті ауыздықтады. Оқиғаның мән-жайы анықталуда", - делінген төтеншеліктер хабарламасында.