Қарағандыда 2025 жылдың 9 қаңтарына қараған түні Пришахтинская көшесінде екі пәтерлі тұрғын үйдің пәтерлерінің бірінде шатыр, төбе және тұрмыстық заттар өртке оранды. Бұл туралы облыстық Төтенше жағдайлар департаменті мәлімдеді, деп хабарлайды kazlenta.kz тілшісі Zakon.kz сайтына сілтеме жасап.
Жалпы аумағы 50 шаршы метрді құрайтын өртті Төтенше жағдайлар министрлігі толықтай сөндірді.
"Құтқарушылар келгенге дейін 2017 және 2015 жылы туған екі бала өз бетімен шығып, "көмірқышқыл газынан улану" деген алдын ала диагнозбен балалар клиникалық ауруханасына жеткізілді. Оқиға орнына дереу жеткен өрт сөндірушілер 1964 жылы туған әйелді аман алып қалды. Ол Мақажанова атындағы емханаға көмірқышқыл газына уланып, күйік шалып жатқызылды. Ең сорақысы құтқарушылар 2020 және 2022 жылы туылған екі баланың денесін тапты.Қарағанды облысы Төтенше жағдайлар департаментінің баспасөз қызметі
Өрттің алдын ала себебі — электр сымдарындағы қысқа тұйықталу.
"Өртке қатысты қылмыстық іс қозғалып, сараптамалар тағайындалды".Қарағанды облысы Төтенше жағдайлар департаментінің баспасөз қызметі
2025 жылдың 8 қаңтарында Алматыдағы қоймада ірі өрт болды. Төтенше жағдайлар министрлігінің мәліметінше, алдын ала аумағы 2050 шаршы метрді құрады. Өрт кезінде ешкім зардап шеккен жоқ.