Биткоин тағы да құн рекордын жаңартып, 106 мың доллар шегінен асып түсті, деп хабарлайды kazlenta.kz тілшісі Kazinform агенттігіне сілтеме жасап.
Binance криптобиржасының мәліметінше, 16 желтоқсанға қараған түні Мәскеу уақытымен сағат 03:40-та бағам бірлік үшін 106,6 мың долларға жетті. Алайда сағат 04:22-ге қарай баға қайтадан көтеріле бастағанға дейін 105,4 мың долларға дейін төмендеді. Бір тәулік ішінде криптовалюта құны 3,5%-дан астамға өсті.
Биткоинның өсуі 5 қарашада АҚШ президентінің сайлау күнімен тұспа-тұс келді. Ол кезде баға $68 мың болды, содан бері криптовалюта өзінің тарихи максимумдарын бірнеше рет жаңартты.
TradingView мәліметінше, соңғы 24 сағатта криптовалюталардың жалпы капитализациясы 0,69%-ға өсіп, 3,641 трлн долларға жетті. Биткоин 2,08 трлн долларды немесе жалпы нарық құнының 57%-дан сәл астамын құрап отыр.
Биткоин бағасының өсуі басқа жетекші криптовалюталардың өсуін ынталандырып отыр. Мысалы, Ethereum 1,15%-ға қымбаттады, оның құны бір бірлік үшін 4 мың долларға жетті.
Сарапшылар нарықтың ағымдағы динамикасын инвесторлардың артып жатқан қызығушылығымен және инвестициялық құрал ретінде криптовалюталардың тартымдылығын арттыратын макроэкономикалық факторлармен байланыстырып отыр.Осыған дейін ақша айырбастау орындарында доллар 522 – 529 теңгеден саудаланып жатқанын жаздық.