Күн райы бұзылып, қалың қар түсуіне байланысты Air Astana әуекомпаниясының Алматыдан ұшатын рейстері кешіктіріліп жатыр. Бұл туралы әуекомпания мәлім етті, деп хабарлайды kazlenta.kz тілшісі Қазақпаратқа сілтеме жасап.
— Air Astana әуекомпаниясы Алматыдан ұшатын рейстердің қалың қар жаууына байланысты кешіктірілетінін хабарлайды. Қар ұшақтарды мұзға қарсы өңдеу жұмыстарына кедергі келтіреді. Әуежайға шықпас бұрын рейс статусын әуекомпания сайтынан тексеріп алуыңызды сұраймыз, — делінген хабарламада.