Елорданың Сарыарқа ауданында тағы бір учаске газдандырылды

Елордада Сарыарқа ауданының Кендал көшесі, 6 және 8 мекенжайлары бойынша аз қабатты үйлер газдандырылды, деп хабарлайды kazlenta.kz тілшісі елорда әкімдігінің ресми сайтына сілтеме жасап.

Астана қаласы Энергетика басқармасының мәліметінше, жобада бұған дейін газдандырылмаған 137 абонентті қамтитын 30 көше ескерілген. Газ тарату желілерінің құрылысы толығымен аяқталды. «Құрылыс-монтаж жұмыстары қатаң техникалық қадағалаумен өтті. Барлық жұмыс белгіленген мерзімде аяқталды», - деп атап өтті мердігер компанияның өкілі Әсет Сүлейменов.Бүгін көгілдір отын Кендал көшесі, 6 және 8 мекенжайларына келе бастады.«Бұл - біздің өміріміздегі бақытты сәт! Газбен бірге біздің үйге жылу мен бақыт келді. Бұрын біз жылыту үшін электр және көмір қазандықтарын қолданған едік, енді оған еш алаңдамаймыз. Үйлердегі батареялар өте жылы, ыстық су штаттық режимде жұмыс істейді», - деді газдалған үйдің тұрғындарының бірі.Жыл соңына дейін қалған абоненттер үшін газ іске қосылады деп күтілуде.Бұған дейін әкімдік газдандырудың екі кезегінің құрылысын аяқтады, бұл Сарыарқа (Көктал-1, Көктал-2 т/м, Агроқалашық және Потанин көшесі ауданындағы қаланың ескі бөлігінде), Алматы («Теміржолжылар» т/м, «Промышленный», «Оңтүстік-Шығыс» оң жағы, «Оңтүстік-Шығыс» сол жағы, Күйгенжар, Мичурино, Интернациональный, сондай-ақ «Ақбидай», «Қазақауыл» екі шағын аудандарында), Есіл (Велла вильж, Куршавель т/к, Фэмэли таун, Фэмэли парк т/к) және Нұра (Будапешт т/к, Космик Сити) аудандарында тұтынушыларды қосуды қамтамасыз етуге мүмкіндік берді.Сондай-ақ «Тұран», «Тельман», «Оңтүстік-Шығыс» және «Үркер», «Пригородный», «Family Village», «Өндіріс», «Кирпичный» газ жылыту станцияларына газ жеткізу желілерінің құрылысы аяқталды.

скачать dle 11.1смотреть фильмы бесплатно