Екібастұзда биыл мал жаю ережелерін бұзған 202 тұрғын жауапқа тартылды, – деп хабарлайды kazlenta.kz тілшісі Polisia.kz сайтына сілтеме жасап.
Екібастұзда полицейлер 50 сауда үйі мен ет өнімдерін сататын 10-нан астам мал сою орнын тексерді. Бұдан басқа, полиция мал сою орындары мен ет өнімдерін өткізу орындарын тексерді, мал ұрлығының алдын алу бойынша халықпен әңгімелер өткізіледі.
– Мысалы, автокөліктерді тексеру кезінде ет өнімдерін заңсыз тасымалдаудың екі фактісі анықталды. Daimer Benz автокөлігінің жүргізушісі тиісті құжаттарсыз 20 бас ірі қара мал тасымалдаған. Мал мен ет өнімдерін полицияның тиісті құжаттарынсыз заңсыз тасымалдағаны үшін материалдар жауапқа тарту үшін ветеринариялық органдарға жіберілді, – деді Павлодар облысы Екібастұз қаласы ПБ бастығының орынбасары Қанат Кәрімжанов.
Айта кетейік, 2024 жылы полицейлер мыңнан астам иесіз малды айыппұл тұрағына қамады. Ауыл шаруашылығы жануарларын жаю ережелерін бұзған 202 мал иесі әкімшілік жауапкершілікке тартылды.
Естеріңізге сала кетейік, 18-20 қараша аралығында өңірде мал ұрлығын жасауға, оларды ұстауға және қылмыстық жауапкершілікке тартуға қатысы бар адамдарды анықтауға бағытталған “Мал ұрлаушы” республикалық жедел-профилактикалық іс-шарасы өткізілді.