Жамбыл облысында «Бір ел» тарихи-танымдық жобасы аясында республикалық жастар форумы ағымдағы жылдың 4-6 қараша күндері Меркі ауданы «Turan» демалыс орталығында Қазақстан халқы Ассамблеясының «Бір ел» тарихи-танымдық жобасы аясында «Тарих – жастар көзімен» атты республикалық жастар форумы ұйымдастырылды, деп хабарлайды kazlenta.kz тілшісі Жамбыл облысы әкімдігінің баспасөз қызметіне сілтеме жасап.
Форумның салтанатты ашылуы ағымдағы жылдың 4 қараша күні «Достық» үйінде еліміздің барлық өңірінен келген жастардың қатысуымен өтіп, М.Х.Дулати атындағы Тараз өңірлік университетінің «Дулати» жастары театрының «Қарахан-Айша бибі» қойылымымен басталды.
Аймақтық шарада облыстық ақпарат және қоғамдық даму басқарма басшысының міндетін атқарушы Ұлана Сламбекқызы жобаның жастарды ұлттық құндылықтармен тәрбиелеуге зор септігін тигізетінін атап өтті.
Қазақстан халқы Ассамблеясының елімізде тұратын этностарды біртұтастыққа топтастыру мен мәдениетаралық диалогты дамытуды мұрат еткен «Бір ел» жастар жобасы үшінші жыл қатарынан ұйымдастырылып отыр. Елге, Отанға деген сүйіспеншілік төл тарихымызды тереңнен танудан басталады. Жалпы, бұл жобаның жастарға берері мол. Іс-шара аясында өтетін пленарлық отырыстар, пікірталастар, интеллектуалды ойындар еліміздің әр өңірінен келген жастардың білім көкжиегін кеңейтіп, патриоттық рухтарын нығайтуға зор үлес қосты.
Үш күнге созылған форум аясында «Медиа кеңістіктегі ҚХА: өзара әрекеттесу тенденциясы», «Қазақша Оңай!» және «үрмелі шар» әдістемесіне теңеу арқылы түрлі іс-қимылдармен практикалық семинар-тренингтертер, интеллектуалды ойындар, танымдық бағыттағы әдістемесін қолдана отырып, БАҚ-та материал жазудың және оны жариялаудың логикалық бағыттарымен егжей-тегжейлі таныстырылып, форум соңында қатысушыларға сертификаттар табысталды.