Атырау облысында бір күнде 6 шетелдік елден шығарылды, – деп хабарлайды kazlenta.kz тілшісі Polisia.kz сайтына сілтеме жасап.
14-18 қазан аралығында Атырау облысында “Заңсыз келуші-2024” республикалық жедел-профилактикалық іс-шарасы өткізілуде. Бұл шараның негізгі мақсаты – қызмет көрсету аумағында қоғамдық тәртіпті қамтамасыз ету, елден шығару туралы сот шешімін орындамаған шетел азаматтарын анықтау және заңсыз көші-қонға қатысты құқық бұзушылықтардың алдын алу.
Іс-шараның алғашқы күні 131 заңбұзушылық тіркелген. Атап айтқанда:
Қазақстан аумағынан шығуға міндеттелген, бірақ елден кетпеген шетелдіктер мен азаматтығы жоқ адамдар саны – 50;
Қазақстаннан он тәуліктен асатын уақыт аралығында кетуден жалтарғандар – 37;
Визада көрсетілген мақсаттарға сәйкес келмейтін қызмет атқарған немесе қажетті рұқсат құжаттарынсыз жұмыс істеген тұлғалар – 42;
Шетелдіктер мен азаматтығы жоқ адамдарды қабылдаған жеке немесе заңды тұлғалардың көші-қон заңнамасын бұзуы – 19;
Заңсыз түрде шетелдік жұмыс күшін тарту фактілері – 3.
Бір күнде 6 шетел азаматы елден шығарылған.