Алматыда 17 қазанда жедел құлақтандыру жүйесі тексеріледі, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Сол күні Mass Alert жүйесі жаппай сынақтан өткізіледі. Алғаш рет iOS операциялық жүйесін пайдаланушыларға хабарлама жіберіледі. Сынақ хабарламалары «Президенттік ескерту» немесе «Ұлттық ескерту» белгісімен келеді. Хабарламалар осындай тақырыптармен жіберіледі, себебі бұл халықаралық сипаттама, барлық телефонның операциялық жүйесінде жедел құлақтандыру іске қосылған кезде қолданылады. Қала тұрғындары мен қала қонақтарына алаңдаудың қажеті жоқ, себебі бұл жай ғана сынақтан өткізу. iPhone қолданушыларына хабарламаларды алу үшін құрылғыларын iOS 18 нұсқасына «Баптаулар – Негізгі – Бағдарламалық жасақтаманы жаңарту» деп жаңарту керек. Бұған дейін 31 мамырда Android жүйесіне арналған сынақ сәтті өткен болатын.14-10-2024, 11:21
Алматыда 17 қазанда жедел құлақтандыру жүйесі тексеріледі
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз