Талдықорғанда Ұлттық гвардия сарбаздары марапатталды, – деп хабарлайды kazlenta.kz тілшісі Polisia.kz сайтына сілтеме жасап.
Жетісу облысы полиция департаментінің басшылығы Ұлттық гвардия әскери жауынгерлерін өз әскери борыштарын адал және үлгілі атқарғандары үшін марапаттады.
Қаратал жағалауында патрульдеу барысында әскери наряд төрт күдікті тұлғаларды байқаған.
Есірткі заттарын пайдаланды деген күдікпен төрт тұлға әскери нарядтың шебер әрекеттерінің арқасында тез арада полиция қызметкерлеріне беріліп, аталған факт расталған.
Әскери борышын адал орындап,Талдықорған қаласының қоғамдық қауіпсіздігін қамтамасыз еткені үшін Ұлттық гвардия жауынгерлері полиция департаменті бастығының қолынан марапатталды.
Бұл марапаттау жауынгерлердің еңбектерін мойындау, себебі олар қауіп-қатерге қарамастан қоғам игілігіне қызмет жасады.