Астанада әйелі Салтанат Нүкенованы қинады және өлтірді деп айыпталып отырған Қуандық Бишімбаевқа қатысты сот отырысы жалғасып жатыр. Айғақ беру кезінде экс-министрдің қорғаушысына сот пен процеске қатысушыларды жаңылыстырғаны үшін ескерту жасалды, - деп хабарлайды kazlenta.kz тілшісі Tengrinews.kz сайтына сілтеме жасап.
Қылмыс болған Bau мейрамханасының суреттерін көрсету кезінде зардап шеккен тараптың қорғаушысы Бишімбаевтың адвокаттары кейін түсірілген суреттерді ұсынғанын айтты."Құрметті сот, суреттер 2024 жылдың 28 наурызында, оқиғаның өзі 2023 жылдың 9-10 қарашасы аралығында болған. Құрметті сот, бұл суреттер іс материалдарында жоқ", - деп қарсылық білдірді жәбірленуші тарап адвокаты.
Судья Айжан Кулбаева Бишімбаевтың адвокаттарынан суреттерді жинауды сұрап, оларға ескерту жасады.
"Біріншіден, сот қорғаушыларға ескерту жасайды. Сіз бұл қылмыс болған жерді тексеру актісінен алынған суреттер деп көрсетіп, сотты және процеске қатысушыларды жаңылыстырдыңыз, бірақ іс жүзінде сіз басқа суреттерді көрсетіп отырсыз. Осы себепті суреттерді жинаңыз. Сіз сызбаға қарай аласыз және сотталушыдан жауап алуды жалғастырамыз. Ал сотты жаңылыстырғаныңыз үшін сот іс бойынша түпкілікті шешім қабылдаған кезде тиісті шараларды қабылдайды", - деді судья.