Алтай қаласында қосалқы шаруашылық аумағында гараж боксында өрт болды, деп хабарлайды kazlenta.kz тілшісі ШҚО ТЖД баспасөз қызметіне сілтеме жасап.
Өрт сөндірушілер келген кезде трактордың, "Урал" автокөлігінің бөлшектері, сондай-ақ бокстың төбесі жанып кетті.Өрт сөндіруге жеке құрамның 9 адамы және 3 бірлік техника жұмылдырылды.
Өрт 19 ш. м. алаңда тоқтатылды. Өрттің шығуының болжамды себебі – қауіптілігі жоғары агрегатты абайсызда ұстау. ШҚО ТЖД кәсіпкерлерден объектілердегі өрт қауіпсіздігі ережелерін сақтауды сұрайды. Объектіде бастапқы өрт сөндіру құралдарының қажетті саны болуы тиіс. Өрт қауіпсіздігі ережелерін бұзуға жол бермеу қажет.