Елордалық өзінің тұрғын үй кешенінің кіреберісінде есірткі жасырған, деп хабарлайды kazlenta.kz тілшісі Polisia.kz сайтына сілтеме жасап.
Елордалық полицейлер Жыл мезгілдері тұрғын үй кешенінің 20 жастағы тұрғынын ұстады, одан есірткі салынған 21 бума табылды. Оның тұрғылықты жерін тексерген кезде, “галлюциногенді саңырауқұлақ” оралған 5 пакет және марихуана оралған 20 бума, сондай-ақ есірткі орайтын материалдар табылған. Оның есірткі құралдарын есірткіні жасырын салып кету әдісі арқылы сатуды жоспарлағаны анықталды.
Қазіргі уақытта осы факті бойынша есірткі және психотроптық заттарды заңсыз әзірлегені, қайта өңдегені, алғаны және сақтағаны үшін сотқа дейінгі тергеп-тексеру жүргізіліп жатыр.
Осы жылы 61 есірткі қылмысы, оның ішінде есірткі өткізумен айналысқан адамға қатысты 53 іс тіркелген.
Заңсыз айналымнан 16,5 келі әртүрлі есірткі заты, оның ішінде 3 келі 400 грамм синтетикалық есірткі алынған.