ШҚО полицейлері Алматы облысында есірткіні көтерме бағада сатумен айналысқан азаматты ұстады, – деп хабарлайды kazlenta.kz тілшісі Polisia.kz сайтына сілтеме жасап.
ШҚО полицейлері жедел іс-шараларды өткізу барысында Алматы облысында аса ірі мөлшерде есірткі заттарын жеткізумен айналысқан 52 жастағы ер адамды ұстады. Күдіктінің тұрғылықты жерін тінту кезінде спецификалық иісі бар скотчпен оралған өсімдік тектес зат салынған екі полимерлі пакет тәркіленді. Жүргізілген сараптамаға сәйкес, тәркіленген зат жалпы салмағы 20 келіден асатын кептірілген марихуана есірткі заты екені анықталды. Ер адам есірткі затын кейіннен облыс орталығының тұрғындары арасында сатуды жоспарлаған. Күдіктіге қатысты ҚР ҚК-нің 297-бабы 3-бөлігі (Аса ірі мөлшердегі есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) бойынша сотқа дейінгі тергеп-тексеру басталды.3-11-2023, 14:19
ШҚО полицейлері Алматы облысында есірткіні көтерме бағада сатумен айналысқан азаматты ұстады
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз