Шымкент қаласындағы кешенді жоғары спорт шеберлігі мектебінің спорт кешенінде қол добынан ерлер арасында Супер Лига командаларының тартысты ойыны өтті. Биылғы Қазақстан Республикасы Чемпионаттың қорытындысы бойынша жаңа таланты ойыншылардың есімдері белгілі болды.
Шымкент қаласының намысын қорғаған “Шымкент ойын түрлерінен спорт клубының» қолдобы шеберлері қарсыластарынан оқ бойы озық болып, Ел чемпионы атанды. Аса тартысты өткен кездесуде Қазақстан чемпионы “Шымкент” командасы бас жүлдеге ие болды. Ал, күміс жүлде Ақтөбе қаласынан келген “Елік” командасына бұйырды. Қола жүлдені Түркістан облысның намысын қорғаған “Тұран” командасының спортшылары қанағат етті. Шымкент қаласы саңлақтарының бұл жетістігі көпжылғы еңбектің нәтижесі. Кезінде қол добы шеберлері Олимпиада ойындарына қатысқан болатын.
Биыл да шымкенттік талантты спортшылар Ділмұрат Юлдашев, Асхан Өксікбаев, Артем Мелниченко Қазақстан ұлттық құрама сапында кезекті Азия ойындарында 8-ші орынға тұрақтады. Осыдан соң құрама сапына Ел чемпионы атанғандарынды екі спортшы Виктор Михайлов пен Адам Колосков та құрама сапында бүкіл әлемдік додаларда еліміздің намысын қорғайды. Расында да мұндай ғаламат жетістік гандбол спорты бойынша Шымкент қаласының спорт тарихында болған емес.
Айта кетейік, бүгінде мегаполистің спорт саласында жаңашылдықтар көптеп орын алуда. Спорт нысандары күрделі жөндеуден өтіп, жаңадан салынып жатқандары да жетерлік. Мұның барлығы болашақ спорт саңлақтарына жасалған мемлекет қамқорлығының жемісі болмақ.
19-12-2023, 23:25
Қол добынан ерлер командасы ел чемпионы атанды
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз