Ұлттық қауіпсіздік комитеті шетелдік алаяқтарға көмектескен Қазақстан азаматын ұстады. Ол алаяқтардың Қазақстанға шалған қоңырауларын жасыруға мүмкіндік беретін қызмет көрсеткен, деп хабарлайды kazlenta.kz тілшісі Ulysmedia.kz сайтына сілтеме жасап.
"Бұл операциялар шетелдік нөмірлерді қазақстандыққа ауыстыратын арнайы құрылғы мен бағдарламаларды пайдалану арқылы жасалған", - делінген Ұлттық қауіпсіздік қызметі хабарламасында.
Нәтижесінде күдікті ұлттық байланыс операторларына залал келтірген. Ал шетелдік алаяқтар оның қызметін пайдаланып ел тұрғындарын алдаған.
Қазір Қылмыстық кодекстің 210-бабы 3-бөлігі бойынша сотқа дейінгі тергеу амалдары жүргізіліп жатыр.